შარლოტა კვანტალიანი - პოეტი, ფილოლოგიურ მეცნიერებათა დოქტორი; ფოლკლორისტი; უნივერსიტეტის დოცენტი; ჟურნალისტი, ,,კალმასობის’’ მთავარი რედაქტორი; არაერთი გამოკვლევისა და ლექსთა კრებულის ავტორი... სამი შვილის დედა. |
|
ქარი ფოთლებს, ყვითელ ფოთლებს გაშლის, ფეხქვეშ გაგიგებს... (მოფანტავენ ყვითელ ფოთლებს და ჩაივლიან) (უბერავს ქარი. უფოთლო ტოტებს აქეთ-იქით არწევენ და საფრთხობელასთან მოგროვდებიან) III ბიჭი - უუ, როგორ ცივა. ზამთარიც გვესტუმრა. რა კარგია თოვლი თუ მოვა. III გოგონა - შენ რა გენაღვლება, თბილად გაცვია, აბა ერთი ამ საცოდავს შეხედე. (მოაფარებს საფრთხობელას მხრებზე...) (შემოდის მერცხალი კოჭლობით) მერცხალი - (მივა საფრთხობელასთან) მე შენს ჯიბეში მომიწევს გამოზამთრება. ვერ გავფრინდები თბილ ქვეყნებში. სესემ ქვა მესროლა და ფეხი მომტეხა. მერცხლებს მოკითხვა დავაბარე ინდოელ გოგონასთან... (შემოსკუპსკუპდება ბეღურა) ბეღურა - არა უშავს მეგობარო, ჩვენ ბეღურები არასოდეს მივფრინავთ თბილ ქვეყნებში, საქართველოს ყინვაც გვეთბილება. თქვენც ხომ უნდა იცოდეთ, როგორია სამშობლოს ზამთარი... მერცხალი - "ჩვეულება რჯულზე უმტკიცეა", თორემ არც ჩემი მოდგმა გადალახავდა ოკეანეს სამი-ოთხი თვისათვის, იმედი მაქვს, არც აქ გავიყინები, მითუმეტეს, ამ საფრთხობელას ისეთი თბილი გული აქვს. ნეტავ ადამიანი იყოს. ბეღურა - მთელი ზამთარი მაგის ჯიბეში საჭმელიც არ ილევა. მთელი ჩემი ოჯახი მაგის იმედად ვართ. ნეტავ ნამდვილი გოგონა იყოს... (შემოდიან ძაღლი და კატა) ძაღლი - რას ამეკიდე. ისეთი ამინდია გარეთ ძაღლსაც გააგდებენ, მითუმეტეს კატას. შენ ბუხართან უნდა იკრუტუნო, მე რას დამდევ. ფისო - უჩემოდ კისერს მოიტეხ. შენი გულკეთილობა დაგღუპავს. მოხუცები გასმევენ და გაჭმევენ, რაღას დაწანწალებ ქუჩაში. ძაღლი - კი არ დავწანწალებ, დავსეირნობ. ბოსტანს ვათვალიერებ, ვდარაჯობ - მე სამსახურში ვარ. (შეხედავს საფრთხობელას) მე მგონი, დროა, ეს სათრთხობელა სახლში წაიღოს ბებიამ, მაგრამ ისე დაბერდა სიარულიც უჭირს, ნეტავ გოგონად გადაიქცეოდეს და თავისით წამოვიდოდეს. ფისო - გოგონებთან თამაში მეც მიყვარს, ნეტავ კალთაში ჩამისვამდეს. (შემოდის ფოსტალიონი) ფოსტალიონი - მერცხალი ხომ არ გინახავთ? მერცხალი - აქა ვარ. ფოსტალიონი - შენმა მეგობარმა ინდოელმა გოგონამ შემოგითვალა საშობაოდ ჩამოვალ და თან თოვლის ბაბუასაც წამოვიყვანო... ფისო - რომელ თოვლის ბაბუას, სანტა კლაუსს? ფოსტალიონი - აქ არ წერია რომელ ბაბუას. (შემოდის თაგვი) თაგვი - საჩუქრებსაც მოგვიტანს? ფოსტალიონი - რა თქმა უნდა. უსაჩუქროდ თოვლის ბაბუა ვის უნდა. (კატა და თაგვი ხელს ჩაკიდებენ და მღერიან) თაგვი და კატა - "კატას ჰქვია ქეთ, თაგვს კი - მაუსი თოვლის ბაბუას კი სანტა-კლაუსი"...
|
|
ავტორები |